LAÇINLI MƏCBURİ KÖÇKÜNLƏRƏ QAYĞI ARTIR
Ağcabədi rayonundakı “Taxta körpü” adlanan ərazidə 64 ton tutumu olan su anbarı tikilmiş, 2 ədəd 23 tonluq su çəni quraşdırılmış, Malıbəy, Şeylanlı, Cağazur, Kamallı kənd icra nümayəndəlikləri üçün inzibati binalar inşa edilmiş, 120 yerlik Alxaslı kənd orta məktəbi üçün yeni bina tikilib istifadəyə verilmişdir. “Taxta körpü”-Mayıs–Katos su xəttində əsaslı təmir işləri aparılmış, bir neçə təhsil, səhiyyə obyekti təmir olunmuşdur. Yaxın vaxtlarda rayonda süd qəbulu və emalı sexinin, gön-dəri, yun tədarükü və satışı müəssisəsinin, “Aqrotexservis” mərkəzinin yaradılması nəzərdə tutulmuşdur.
