Latviyanın Adazi şəhərində NATO-nun “Şimal” çoxmillətli qərargahının açılışı olub
Riqa, 8 mart, AZƏRTAC
Latviyanın Adazi şəhərində NATO-nun “Şimal” çoxmillətli qərargahının açılışı olub. Baltikyanı ölkələrin təhlükəsizliyinin təmin olunmasında mühüm rol oynayacaq qərargahın açılışında Latviyanın, Danimarkanın və Estoniyanın müdafiə nazirləri iştirak ediblər.
Latviyanın müdafiə naziri Artis Pabriks mərasimdə qeyd edib ki, bu qərargahın fəaliyyətə başlaması Latviya da daxil olmaqla bütün regionun təhlükəsizliyi üçün çox vacib hadisədir. Tarixdə ilk dəfə NATO-nun qərargahı Baltikyanı ölkədə yerləşəcək.
“Şimal” qərargahı döyüş qrupları da daxil olmaqla üzv ölkələrdən olan hərbçilərin birgə komandanlığı tərəfindən idarə ediləcək. Komandanlığın tərkibi Danimarka, Latviya və Estoniyadan olan hərbçilər arasından seçiləcək. Heyət daha sonra digər ölkələrdən olan əməkdaşlar hesabına genişləndirilə bilər.
Aygün Əliyeva
AZƏRTAC-ın xüsusi müxbiri
Riqa
Bölmənin digər xəbərləri
