Latviyanın vergi qanunvericiliyində dəyişikliklər gözlənilir
Bakı, 19 iyun, AZƏRTAC
Vergi sistemi daha ədalətli olmalı və bu istiqamətdə dəyişikliklər 2021-ci ilin yanvarından qüvvəyə minməlidir.
AZƏRTAC xarici KİV-lərə istinadla xəbər verir ki, bu barədə Latviyanın Baş Naziri Krişyanis Karinş ölkənin Mərkəzi Bankının rəhbəri ilə görüşdən sonra deyib.
Bankın prezidenti Martinş Kazak isə qeyd edib ki, COVID-19 pandemiyası özüməşğul insanlara tətbiq olunan hazırkı güzəştlərin onları böhranlı vəziyyətdə qorumadığını və yaşa görə pensiyanın həcmi ilə bağlı təhlükə yaratdığını göstərir. O hesab edir ki, ən düzgün çıxış yolu ƏDV-nin dərəcəsinin aşağı salınması əvəzinə işçi qüvvəsinin vergi yükünün azaldılmasıdır. Söhbət statusundan asılı olmayaraq bütün işləyənlərin icbari sosial sığortasından gedir. Birinci ssenariyə əsasən, 430 avro aylıq maaş üçün minimum sosial sığorta haqqı 150,89 avro nəzərdə tutulur.
İkinci ssenaridə isə minimal əməkhaqqı 500 avro olmaqla minimal sosial sığorta haqqının 175,45 avro olması təklif edilir.
Bölmənin digər xəbərləri
