Lerikdə qarın ağırlığına tab gətirməyən evin dam örtüyü uçub
Lerik, 22 yanvar, İlkin Adıyev, AZƏRTAC
Lerik rayonunda qarın ağırlığına tab gətirməyən evin dam örtüyü dağılıb.
AZƏRTAC-ın bölgə müxbiri xəbər verir ki, rayonun Hamarmeşə kəndində yağan intensiv qar kənd sakini Asəf Əlirza oğlu Muradova məxsus fərdi yaşayış evinin dam örtüyünü uçurub.
Hadisə zamanı xəsarət alan olmayıb.
Damın uçması nəticəsində ev yaşayış üçün yararsız vəziyyətə düşüb. Evdəki əşyalar yaxınlıqdakı evə daşınıb.
Hadisə ilə bağlı aidiyyəti qurumlara məlumat verilib.
Ailə müvəqqəti olaraq qohumlarının evinə yerləşdirilib.
Bölmənin digər xəbərləri
