LİTVA GUAM ƏSASINDA YARADILAN BEYNƏLXALQ TƏŞKİLATIN SƏMƏRƏLİLİYİNƏ İNANIR

23.05.2006 [13:55]
Çap et
A⁺ A^-

Litva GUAM əsasında yaradılan beynəlxalq təşkilatın fəaliyyətinin səmərəli olacağına inanır. AZƏRTAC Ukrayna KİV-lərinə istinadla xəbər verir ki, bunu GUAM ölkələrinin zirvə görüşündə iştirak etmək üçün Kiyevə gələn Litva Prezidenti Valdas Adamkus mətbuat konfransında bildirmişdir.

Litva lideri demişdir: “Hesab edirəm ki, bu yeni təşkilat səmərəli olacaq, çünki regionların mənafelərini qorumağa qadir olan regional siyasi qüvvə yaradılır. Litva bu təşkilatın yaradılmasını dəstəkləyir. Elə burada olmağımızın özü də göstərir ki, biz onu çox dəstəkləyirik”.

O, Litvanın GUAM-da üzvlüyünün mümkünlüyü barədə suala cavabında xatırlatmışdır ki, onun ölkəsi Avropa İttifaqının üzvüdür, buna baxmayaraq, GUAM-da artıq texniki olaraq iştirak edir.

LİTVA GUAM ƏSASINDA YARADILAN BEYNƏLXALQ TƏŞKİLATIN SƏMƏRƏLİLİYİNƏ İNANIR

MÜƏLLİFLƏ ƏLAQƏ

Bölmənin digər xəbərləri