Lloyd Ostin: ABŞ beynəlxalq ictimaiyyətlə birlikdə Ukraynanı dəstəkləməyə davam edir
Kiyev, 21 oktyabr, AZƏRTAC
ABŞ-ın müdafiə naziri Lloyd Ostin bazar ertəsi, oktyabrın 21-də Kiyevə gəlib. O, Birləşmiş Ştatların Kiyevə dəstəyinin gələcəyinin ABŞ-da keçiriləcək prezident seçkilərinin nəticəsindən asılı olduğunu nəzərə alaraq, Ukraynaya gələcək yardım perspektivlərini müzakirə etməyi planlaşdırır.
AZƏRTAC xəbər verir ki, Ostin Kiyevə gəldiyini “X” sosial şəbəkəsindəki səhifəsində təsdiqləyib.
“Mən dördüncü dəfə Ukraynaya müdafiə naziri kimi qayıtdım və nümayiş etdirdim ki, ABŞ beynəlxalq ictimaiyyətlə birlikdə Ukraynanı dəstəkləməyə davam edir”.
Səfər zamanı Ostin Ukrayna Prezidenti Volodimir Zelenski və müdafiə naziri Rustem Umerovla görüşəcək. Danışıqların əsas mövzusu Ukraynanın hazırkı silah ehtiyacları və gələn il Ukrayna Silahlı Qüvvələrinə dəstək məsələsi olacaq.
Ostin Kiyevə dəstək üçün yaradılan beynəlxalq koalisiyaların əhəmiyyətini vurğulayaraq qeyd edib ki, bu səylər sayəsində Ukrayna Rusiyanın təcavüzünə müqavimət göstərə bilir.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
