“Lufthansa” ilin sonunadək 27 mindən çox iş yerini ixtisar edə bilər
Bakı, 7 dekabr, AZƏRTAC
“Lufthansa” aviakompaniyası 2020-ci ilin sonuna qədər xaricdə çalışan 20 min əməkdaşını ixtisar etməyi, həmçinin 7 min 500 nəfərin çalışdığı bort qidasi ilə məşğul olan LSG bölməsini satmağı planlaşdırır.
AZƏRTAC “Bild am Sonntag” qəzetinə istinadla xəbər verir ki, aviakompaniyanın “Eurowings”, “Swiss”, “Austrian” və “Brussels Airlines” törəmə kompaniyaları pandemiya ilə əlaqədar uçuşlara tələbatın azalması səbəbindən reyslərinin tezliyini azaldıb və əməkdaşların sayını ixtisar edib.
Qəzetin məlumatına görə, əsasən daxili reyslərə xidmət edən “German airline” kompaniyası gələn il daha 10 min iş yerini ləğv edə bilər.
Mütəxəssislərin proqnozuna əsasən, aviasiya daşımaları pandemiyadan öncəki səviyyəyə yalnız 2025-ci ildə qayıdacaq.
Bölmənin digər xəbərləri
