MACARISTANDA YAŞAYAN SOYDAŞLARIMIZ DİNARANI DƏSTƏKLƏYƏCƏKLƏR
Svetlana xanımın sözlərinə görə, Macarıstanda gimnastımızı yaxşı tanıyırlar, onun barəsində kifayət qədər məlumata malikdirlər. Macarıstanın aparıcı kütləvi informasiya vasitələri Dünya kubokunun Bakıda keçirilmiş mərhələ turnirində bir gümüş və iki bürünc medal qazanan Dinara Gimatovanın çıxışı barədə xoş sözlər söyləmişlər”. S.Abdullayeva bildirdi ki, Dostluq Cəmiyyətinin fəalları sentyarbrın 26-da “Budapeşt sport arena”nın konfrans salonunda keçiriləcək “Azərbaycan saatı”nın təqdimat mərasimində yaxından iştirak edəcəklər. Mərasimə Beynəlxalq Gimnastika Federasiyasının rəhbərləri, çempionatda iştirak edən ölkələrin nümayəndə heyətlərinin başçıları, hakimlər və jurnalistlər də dəvət olunmuşlar. 2005-ci ildə Bakıda keçiriləcək bədii gimnastika üzrə dünya çempionatına həsr olunacaq mərasimdə Azərbaycan haqqında 12,5 dəqiqəlik videofilm göstəriləcək, respublika Gimnastika Federasiyasının fəaliyyəti, ölkəmizdə idmanın inkişafı və bu sahədə onun potensialı barədə ətraflı məlumat veriləcəkdir.
Bölmənin digər xəbərləri
