MAKDERMOTT ŞİRKƏTİ MƏKTƏBLƏRİN TƏMİRİNƏ YARDIM ETMİŞDİR

16.09.2006 [11:08]
Çap et
A⁺ A^-

AZƏRTAC xəbər verir ki, C.Rey MakDermott S.A. (C.Rey) şirkətinin filialı olan MakDermott Kaspian Kontraktorz İnk. Qaradağ rayonunun Sahil qəsəbəsində iki orta məktəb binasının təmirini yeni dərs ili ərəfəsində başa çatdırmışdır. Ötən əsrin 70-ci illərinin əvvəllərində inşa edilmiş və qəsəbədə ən böyük təhsil ocaqları olan bu məktəblərdə 3200 şagird oxuyur. Onlardan 410-u MakDermottda çalışan işçilərin uşaqlarıdır.

Şirkətin Xəzər əməliyyatları üzrə vitse-prezidenti və baş meneceri Dən Hauzer demişdir ki, təqribən 140 min ABŞ dollarına başa gəlmiş həmin layihə C.Rey-in bütün dünyada həyata keçirdiyi ən böyük ictimai xeyriyyəçilik layihələrindən biridir. Şirkət indiyədək Azərbaycanda xeyriyyəçilik layihələrinə 340 min ABŞ dolları xərcləmişdir ki, bunun da yarıdan çoxu MakDermotun fəaliyyət göstərdiyi Qaradağ rayonunun sosial ehtiyaclarına sərf olunmuşdur. İşçilərinin əksəriyyətinin Sahil qəsəbəsində yaşadığını nəzərə alan şirkətin rəhbərliyi həm onların, həm də yerli əhalinin sosial ehtiyaclarının ödənilməsinə xüsusi qayğı göstərir.

MAKDERMOTT ŞİRKƏTİ MƏKTƏBLƏRİN TƏMİRİNƏ YARDIM ETMİŞDİR

MÜƏLLİFLƏ ƏLAQƏ

Bölmənin digər xəbərləri