“Maşın tərcüməsində semantik təhlil” – monoqrafiya
Bakı, 13 dekabr, AZƏRTAC
AMEA Nəsimi adına Dilçilik İnstitutunun Elmi şurasının qərarı ilə Gülnara Cəfərovanın “Maşın tərcüməsində semantik təhlil” adlı ilk monoqrafiyası çap olunub.
İnstitutdan AZƏRTAC-a bildirilib ki, kitabın elmi redaktoru filologiya elmləri doktoru Kamilə Vəliyeva, rəyçiləri professorlar Fikrət Cahangirov, Bayram İbrahimov və Aygün Məmmədovadır.
Monoqrafiya tətbiqi dilçilik sahəsində indiyə qədər tədqiq edilməyən maraqlı sahələrdən birinə həsr olunub. Monoqrafiyada maşın tərcüməsində semantik təhlil məsələsi ətraflı şəkildə araşdırılıb. Əsər maşın tərcüməsində sözlərin, söz birləşmələrinin, cümlələrin elmi-texniki mətnlər əsasında semantik təhlilinin araşdırılmasına və tətbiqinə istiqamətlənib.
Bölmənin digər xəbərləri
