Mədəniyyət nazirinin Qusarda vətəndaşlarla görüşünün tarixi dəyişdirilib
Bakı, 17 sentyabr, AZƏRTAC
Mərkəzi icra hakimiyyəti orqanları rəhbərlərinin 2018-ci ilin sentyabr ayında şəhər və rayonlarda vətəndaşların qəbulu cədvəlinə əsasən, mədəniyyət naziri Əbülfəs Qarayev sentyabrın 25-də saat 11-də Qusarda vətəndaşları qəbul edəcək.
Mədəniyyət Nazirliyindən AZƏRTAC-a bildirilib ki, rayondakı Heydər Əliyev Mərkəzində (Qusar şəhəri, Heydər Əliyev parkı) keçiriləcək qəbulda Xaçmaz, Quba, Qusar, Siyəzən və Şabran rayonlarından olan vətəndaşlar iştirak edə bilərlər.
Vətəndaşlar nazirliyin [email protected] elektron poçt ünvanı, e-services. mct.gov.az elektron xidmətlər saytı, telefon məlumat sistemi (qaynar xətt - 147) və ya (012) 493-92-17 (əlaqələndirici şəxs Pərviz İsgəndərli - Regional siyasət şöbəsinin müdiri) və (012) 493-55-21 nömrəli telefon vasitəsilə qəbula yazıla bilərlər.
Qəbula gəlmək istəyən vətəndaşların, həmçinin yuxarıda adları qeyd edilən rayonların mədəniyyət və turizm şöbələri ilə əlaqə saxlamaları xahiş olunur.
Bölmənin digər xəbərləri
