Mədəniyyət Nazirliyi informasiya sistemlərini tam “Hökumət buludu”na köçürüb
Bakı, 27 dekabr, AZƏRTAC
İnformasiya sistemləri və ehtiyatlarını “AzInTelecom” MMC-yə məxsus “Hökumət buludu”na köçürən növbəti dövlət qurumu Mədəniyyət Nazirliyi olub.
AZƏRTAC Rəqəmsal İnkişaf və Nəqliyyat Nazirliyinin yaydığı məlumata istinadən xəbər verir ki, Mədəniyyət Nazirliyi cari ildə təsdiq etdiyi “e-Culture” rəqəmsal inkişaf strategiyası çərçivəsində “Hökumət buludu”na miqrasiya üzrə “AzInTelecom” MMC-nin təqdim etdiyi “IaaS” (İnfrastructure-as-a-Service) bulud infrastrukturu xidmətini əldə edib.
Mədəniyyət Nazirliyi müvafiq informasiya sistemləri və ehtiyatlarını tam şəkildə “AzInTelecom” MMC-yə məxsus Bakı Data Mərkəzində yerləşdirməklə kritik sistemlərinin yüksək əlçatanlığını və kibertəhlükəsizliyini təmin edib.
Plana uyğun olaraq, ilkin mərhələdə Mədəniyyət Nazirliyinin “Hökumət buludu”na miqrasiya olunacaq resursları audit olunub. Auditin nəticəsi üzrə hesabat hazırlanaraq müvafiq sistem və ehtiyatların miqrasiyasının konsultasiyası xidməti göstərilib. Konsultasiya xidməti zamanı texniki xüsusiyyətləri və əhəmiyyətlilik dərəcəsi nəzərə alınaraq İT resursların mərhələli şəkildə miqrasiyasını özündə əks etdirən yol xəritəsi hazırlanıb və icrası təmin edilib.
Bölmənin digər xəbərləri
