MƏDƏNİYYƏT VƏ İNCƏSƏNƏT UNİVERSİTETİNDƏ ÜMUMMİLLİ LİDER HEYDƏR ƏLİYEVİN BÜSTÜ AÇILMIŞDIR
Bu münasibətlə keçirilən mərasimdə universitetin rektoru Timuçin Əfəndiyev çıxış edərək demişdir ki, xalqımızın mənəvi yüksəlişində, Azərbaycan Respublikasının inkişafında, müstəqil dövlətimizin qurulmasında Heydər Əliyevin xidməti əvəzsizdir. Ulu öndərimiz Azərbaycana rəhbərlik etdiyi bütün dövrlərdə mədəniyyətimizin, incəsənətimizin, ədəbiyyatımızın hamisi olub, sənət adamlarının tanınması, sənətdə milli ruhun yaranması üçün əvəzsiz işlər görüb. Məhz onun qətiyyəti sayəsində ədəbiyyat, mədəniyyət və incəsənət xadimlərimiz keçmiş SSRİ-nin ən yüksək mükafatına - Sosialist Əməyi Qəhrəmanı adına layiq görülmüşlər.
Natiq ümummilli liderin bilavasitə bu təhsil ocağına qayğısını, onun maddi-texniki bazasının möhkəmləndirilməsi üçün gördüyü işləri də xatırlatmışdır.
Heykəltəraş Natiq Əliyevin əsəri olan büstün örtüyü götürülmüş, onun önünə tər güllər düzülmüşdür.
Tanınmış rejissorlar Cənnət Səlimova və Ağakişi Kazımov müstəqil Azərbaycanın qurucusu və memarı haqqında ürək sözlərini söyləmişlər.
Bölmənin digər xəbərləri
