Media: Avropa İttifaqı Donald Trampla birbaşa qarşıdurmaya hazırlaşır
Bakı, 8 yanvar, AZƏRTAC
ABŞ Prezidenti Donald Trampın Qrenlandiya üzərində nəzarəti ələ keçirmək istəyi ilə bağlı ritorikasının sərtləşdiyi səbəbindən Avropa İttifaqı Ağ Ev rəhbəri ilə birbaşa qarşıdurmaya hazırlaşır.
AZƏRTAC xəbər verir ki, “Politico” nəşri bu barədə mənbələrinə istinadla məlumat yayıb. Adının açıqlanmasını istəməyən mənbə qeyd edib ki, Avropa dövlətləri əvvəllər Donald Trampın təhdidlərinin ciddiliyini anlamasalar da, indi bunun fərqindədirlər və onu dayandırmaq üçün plan axtarışındadırlar.
Qeyd edək ki, Donald Tramp dəfələrlə Qrenlandiyanın ABŞ-a birləşməli olduğunu bildirib. O, 2025-ci ilin may ayında “NBC News” telekanalına müsahibəsində Qrenlandiya məsələsinin həlli üçün güc tətbiqini istisna etməyib. Cari il yanvarın 6-da isə Ağ Ev yazılı açıqlamasında Qrenlandiya ilə bağlı planları şərh edərkən hərbi güc tətbiqinin həmişə Baş Komandanın ixtiyarında olduğunu vurğulayıb.
Bölmənin digər xəbərləri
