Media: İran və ABŞ danışıqlardan imtina etməyib
Bakı, 13 aprel, AZƏRTAC
İran və ABŞ danışıqlar prosesindən çıxmayıb, tərəflər razılığın mümkün olduğunu hesab edir.
AZƏRTAC xəbər verir ki, “Axios” portalı bu barədə mənbələrinə istinadla məlumat yayıb. Məlumata görə, proses dalana dirənməyib, dialoq üçün imkan qalır və tərəflər müzakirələri davam etdirir. Vasitəçilər aprelin 21-dək qüvvədə olan atəşkəs müddəti bitməmiş növbəti danışıqlar raundunun keçiriləcəyinə ümidvardır.
Türkiyə, Pakistan və Misir vasitəçiləri tərəflər arasında fikir ayrılıqlarının aradan qaldırılması üçün təmasların davam etdirilməsini vacib sayır.
İslamabadda keçirilən danışıqlardan sonra Türkiyə və Misirin xarici işlər nazirləri ayrı-ayrılıqda Pakistan XİN rəhbəri ilə, daha sonra isə ABŞ Prezidentinin xüsusi nümayəndəsi Stiv Uitkoff və İranın xarici işlər naziri Abbas Əraqçi ilə əlaqə saxlayıb.
Bölmənin digər xəbərləri
