MƏHƏMMƏD ƏLİ BMT-NİN “SÜLH ELÇİSİ” QİSMİNDƏ ƏFQANISTANA GƏLMİŞDİR
İTAR-TASS-ın verdiyi xəbərə görə, əfsanəvi ağır çəkili boksçu Məhəmməd Əli (Kassius Kley) Birləşmiş Millətlər Təşkilatının “sülh elçisi” qismində Kabilə gəlmişdir.
Onun Əfqanıstana səfəri Dünya Ərzaq Proqramı və BMT-nin Uşaq Fondunun (YUNİSEF) təşəbbüsü ilə təşkil edilib və ölkənin müharibədən sonrakı bərpa prosesinin fəallaşdırılmasına yönəldilmişdir. Xəbər verilir ki, keçmiş boksçu Kabilə humanitar yardım gətirmişdir.
Kassius Kley 1964-cü ildə islamı qəbul etdikdən sonra Məhəmməd Əli adı götürmüşdür. 1967-ci ildə dünya çempionu olarkən o, Vyetnamda vuruşmaqdan imtina etmiş və bildirmişdir ki, bu müharibə müsəlman dininə ziddir. Əli peşəkar idmanı tərk edərək, bütün ömrünü dünyada islamın yayılmasına və humanitar fəaliyyətə həsr etmişdir.
Bölmənin digər xəbərləri
