Meksikanın “Enlace Judio” xəbər agentliyi Azərbaycan-İsrail əlaqələrindən bəhs edən məqalə yayıb
Bakı, 7 yanvar, AZƏRTAC
Meksikadakı yəhudi icmasına mənsub “Enlace Judio” xəbər agentliyi Azərbaycan-İsrail əlaqələrindən bəhs edən məqalə yayıb.
Azərbaycanın Meksikadakı səfirliyindən AZƏRTAC-a bildirilib ki,
məqalənin müəllifi Azərbaycanın İsrail üçün siyasi-coğrafi cəhətdən strateji ölkə olduğunu, ikitərəfli əlaqələrin inkişaf etdiyini yazır.
Yüksək səviyyəli qarşılıqlı səfərlərin hər iki ölkə arasında inkişaf edən dostluğun göstəricisi olduğu diqqətə çatdırılır.
Məqalədə vurğulanır ki, Azərbaycan ilə İsrail arasında mövcud dostluq və tərəfdaşlıq münasibətlərinin təməlini yəhudi və Azərbaycan xalqlarının tarixi əlaqələri təşkil edir. İki ölkə arasında xüsusilə texnologiya, müdafiə sahələrində güclü iqtisadi əlaqələr var.
Yazıda Azərbaycanda yaşayan yəhudi icmasının hər iki dövlət arasındakı əlaqələrə öz töhfəsini verdiyi bildirilir. Azərbaycanda heç vaxt antisemitizm hallarına rast gəlinmədiyi diqqətə çatdırılır.
Müəllif İsrailin enerji ehtiyatlarının 40 faizini Azərbaycanın təmin etdiyini, enerji sektorunda ölkəmizin təcrübəsinin öyrənildiyini vurğulayır.
Bölmənin digər xəbərləri
