Mələk Abbaszadə: La Ponsia rolu səhnədə mənim üçün yeni duyğulara yol açdı
Bakı, 27 aprel, AZƏRTAC
Mənim üçün La Ponsia rolu çox maraqlı, hətta müəyyən mənada çətin idi. O, daxili müqavimət tələb edirdi, çünki qəzəb mənim təbiətim deyil. Sərhədlərimi aşmalı və yeni, tanış olmayan vəziyyətlərə düşməli oldum. Açıq aqressiya, kəskinlik və daxili sərtlik — bütün bunlar mənim üçün yeni bir səhnə təcrübəsi oldu. Məhz buna görə obrazın üzərində iş xüsusilə maraqlı və həqiqətən əhəmiyyətli oldu.
Bu barədə AZƏRTAC-a müsahibəsində “Bernarda Albanın evi” tamaşasında qulluqçu La Ponsia rolunun ifaçısı - Azərbaycanın Əməkdar artisti Mələk Abbaszadə söyləyib.
Səhnə əsərinin tamaşaçı tərəfindən qəbul edilməsindən danışan aktrisa vurğulayıb ki, o, öncə klassik əsərlərin gücünü və canlı aktuallığını hiss etməlidir. Federiko Qarsiya Lorkanın əsərləri bu gün də aktual olan əbədi mövzuları qaldırdığı üçün əhəmiyyətini itirmir.
“Bernarda Albanın evi” əsəri sevgi və azadlıq, insanın duyğular və xoşbəxtlik hüquqları haqqında hekayədir. Azadlıqdan məhrum olan insan qaçılmaz olaraq daxilən məhv olma ilə üzləşir ki, bu da zahirən özünü göstərə bilər. Pyesin mərkəzində qapalı ev məkanıdır, burada ananın sərt nəzarəti qızlarını dolğun həyat sürmək imkanından məhrum edir, bu da nəticədə faciəyə gətirib çıxarır”, - deyə Əməkdar artist qeyd edir.
Onun fikrincə, hisslərin susdurulması həmişə ifratçılığa gətirib çıxarır. Real həyatda həddindən artıq məhdudiyyət çox vaxt etiraz doğurur və insanı radikal qərarlara sövq edə bilər. Məhz buna görə tamaşa xüsusilə aktual və müasir rezonans doğurur – burada söhbət sevmək, özünü olduğu kimi ifadə etmək və azad yaşamaq hüququndan gedir.
Bölmənin digər xəbərləri
