Mexiko şəhərinin hökumət başçısı: WUF13-ə şəhərsalma ilə bağlı qlobal müzakirələrə töhfə vermək üçün gəlmişik
Bakı, 18 may, AZƏRTAC
Mexiko şəhəri mənzil hüququnun təmin olunması istiqamətində dünyadakı ən yaxşı təcrübələri öyrənməyə xüsusi önəm verir.
Bu fikirləri AZƏRTAC-a açıqlamasında Mexiko şəhərinin hökumət başçısı Klara Bruqada BMT-nin Ümumdünya Şəhərsalma Forumunun 13-cü Sessiyası (WUF13) çərçivəsində AZƏRTAC-a açıqlamasında deyib.
“Biz Ümumdünya Şəhərsalma Forumuna urbanizmlə bağlı qlobal müzakirələrə töhfə vermək məqsədilə gəlmişik. Mexiko şəhəri mənzil hüququnun təmin olunması kimi mühüm məsələdə daim ən yaxşı beynəlxalq təcrübələri öyrənməyə çalışır”, - deyə o vurğulayıb.
Klara Bruqada qeyd edib ki, Mexiko şəhəri növbəti Ümumdünya Şəhərsalma Forumuna ev sahibliyi edəcək.
“Növbəti Ümumdünya Şəhərsalma Forumu 2028-ci ildə Mexiko şəhərində keçiriləcək. Biz, həmçinin ictimai məkanların transformasiyasına yönəlmiş və “Utopiya” adlandırdığımız layihəmizi burada təqdim edirik”, – deyə Mexiko şəhərinin hökumət başçısı əlavə edib.
Bölmənin digər xəbərləri
