M.F.AXUNDOVUN BÜSTÜ TBİLİSİDƏ ONUN ADINI DAŞIYAN MƏKTƏBİN BİNASI QARŞISINDA QOYULMUŞDUR
Azərbaycanın Gürcüstandakı səfirliyi, Tbilisidəki M.F.Axundov adına 73 saylı Azərbaycan orta məktəbinin rəhbərliyi, ölkənin azərbaycanlı icmasının nümayəndələri büstün tapılıb Tbilisidə M.F.Axundovun adını daşıyan məktəbin önündə qoyulması xahişi ilə 15 il ərzində müvafiq təşkilatlara dəfələrlə müraciət etsələr də, bir nəticə hasil olunmamışdı.
Nəhayət, Azərbaycanın Gürcüstana yeni təyin olunmuş səfiri Namiq Əliyev bu günlərdə Prezident Mixail Saakaşviliyə etimadnaməsini təqdim edərkən bir sıra məsələlərlə yanaşı, bu problemin də həllinin vacibliyini vurğulamışdır.
Prezident əlaqədar strukturlara tapşırıq vermiş və büst Tbilisidəki 73 saylı Azərbaycan orta məktəbinin binası önündə özünə layiqli yer tapmışdır. Məktəbin direktoru Salman Pirməmmədov səfirliyimizə, digər təşkilatlara minnətdarlıq etmişdir.
Bölmənin digər xəbərləri
