MİLLİ MƏCLİSDƏ GÖRÜŞ
Parlamentin sədri Azərbaycanla Rumıniya arasındakı əlaqələrin tarixindən danışmış, son illər münasibətlərimizin daha da genişləndiyini xatırlatmışdır. Bildirmişdir ki, Rumıniyanın Azərbaycana istər siyasi, istərsə də hərbi sahələrdə göstərdiyi dəstəyi yüksək qiymətləndiririk. Ümid edirik ki, əlaqələrimiz bütün sahələrdə inkişaf edəcəkdir.
Teodor Atanasiu demişdir ki, Rumıniya Azərbaycanın regiondakı rolunu yüksək qiymətləndirir və bu ölkə ilə əlaqələrin inkişafında maraqlıdır. Bakıya səfərdən məqsəd əlaqələrimizin daha da genişləndirilməsinə dair məsləhətləşmələr aparmaqdır.
Nazir azərbaycanlı həmkarı ilə keçirdiyi görüşdən danışmış, hərbi sahədə əməkdaşlığa, kadr hazırlığına və informasiya mübadiləsinə dair sənədlər imzaladığını bildirmişdir. O, Azərbaycanın Avratlantik strukturlarına inteqrasiyasını, ölkəmizin NATO ilə əməkdaşlığını yüksək qiymətləndirmişdir.
Görüşdə Azərbaycan-Rumıniya parlamentlərarası əlaqələrin inkişaf perspektivləri və qarşılıqlı maraq doğuran digər məsələlər ətrafında da fikir mübadiləsi aparılmışdır.
Bölmənin digər xəbərləri
