MİLLİ MƏCLİSİN DEPUTATI ABŞ BEYNƏLXALQ İNKİŞAF AGENTLİYİNİN TƏDBİRİNDƏ İŞTİRAK EDƏCƏKDİR

20.05.2006 [17:32]
Çap et
A⁺ A^-

AZƏRTAC xəbər verir ki, Milli Məclisin iqtisadi siyasət daimi komissiyasının sədr müavini Azər Əmiraslanov ABŞ Beynəlxalq İnkişaf Agentliyi və START İştirakçı Təlim Proqramı tərəfindən idarə olunan “Dövlət siyasəti və strategiyaların inkişafı” proqramında iştirak etmək üçün mayın 20-dən iyunun 4-dək Vaşinqtonda səfərdə olacaqdır.

A.Əmiraslanov demişdir ki, təlim proqramının məqsədi inkişaf etməkdə olan ölkələrin nümayəndələrinə elektron hökumətin uğurlu, səmərəli, dəqiq, eyni zamanda Avropa İttifaqının, Dünya Ticarət Mərkəzinin standartlarına və müvafiq ölkənin iqtisadi reallıqlarına uyğun şəkildə təqdim edilməsi üsullarının öyrədilməsidir.

Tədbirin sonunda parlament və hökumət nümayəndələri arasında geniş fikir mübadiləsi aparılacaqdır.