Millimizin Avropa çempionatının seçmə mərhələsində keçirəcəyi oyunların təqvimi müəyyənləşib
Bakı, 3 fevral, AZƏRTAC
İyirmi bir yaşadək futbolçulardan ibarət komandalar arasında Avropa çempionatının seçmə mərhələsində millimizin keçirəcəyi oyunların təqvimi müəyyənləşib.
AZƏRTAC AFFA-ya istinadla xəbər verir ki, millimiz seçmə mərhələyə sentyabrın 12-də Serbiya yığması ilə matçla start verəcək. İlk oyun səfərdə keçiriləcək. Oktyabrın 12-də millimiz Şimali İrlandiya, beş gün sonra isə Lüksemburqu qəbul edəcək. Futbolçularımız noyabrın 21-də Ukrayna seçməsinin qonağı olacaqlar. Gələn il martın 22-də seçməmiz doğma meydanda İngiltərə, dörd gün sonra isə Ukrayna ilə qarşılaşacaq. Sentyabrın 6-da komandamız Lüksemburqun qonağı olacaq, ayın 10-da isə Serbiya seçməsini qəbul edəcək. Yığmamız seçmə mərhələdə son iki matçını səfərdə keçirəcək. Oktyabrın 12-də Şimali İrlandiya ilə üz-üzə gələcək seçməmiz üç gün sonra İngiltərənin qonağı olacaq.
Bölmənin digər xəbərləri
