Misir məhkəməsi 10 müttəhimi ömürlük həbs cəzasına məhkum edib
Qahirə, 12 iyul, AZƏRTAC
Misir məhkəməsində polis əməkdaşlarını qətlə yetirən Müsəlman qardaşları hərəkatının üzvləri və onlara həbsxanadan qaçmaqda kömək edən 10 nəfər haqqında ömürlük həbs cəzası hökmü çıxarılıb.
AZƏRTAC xəbər verir ki, rəsmi MENA agentliyi penitensiar xidmətin məhkum edilmiş əməkdaşları 2019-cu ildə terrorçuların kütləvi şəkildə həbsxanadan qaçmasına şərait yaradıblar. Belə ki, 20 minə yaxın dustaq cəzaçəkmə müəssisələrindən qaçaraq Sinay yarımadasındakı silahlı qruplaşmalara qoşulmuşdu. Məhkəmə, həmçinin penitensiar xidmətin 9 əməkdaşını da 15 il azadlıqdan məhrumetmə cəzasına məhkum edib.
Qeyd edək ki, Misirdə Müsəlman qardaşları hərəkatının üzvlərinə qarşı istintaq və məhkəmələr 2013-cü ildən bəri davam edir. Həmin ildə hakimiyyətdən uzaqlaşdırılan sabiq Prezident Məhəmməd Mursi də sonradan həbsxanada ürəktutmasından vəfat edib. Ötən ay Misir məhkəməsi hərəkatın 12 üzvü barəsində edam hökmü çıxarıb.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
