MİSİRDƏ GÜNƏŞ İLAHƏSİNİN 23 HEYKƏLİ TAPILMIŞDIR
Sehmet ilahəsinin 1,7-1,8 metr hündürlüyündə heykəlləri qara mərmərdəndir. Onların bəzilərində Sehmet taxtda əyləşmişdir. Hazırda bərpa prosesində olan heykəllərin altlıqlarına III Amenhotepin adı həkk edilmişdir. Bu abidələr 3 min il ərzində mövcud olan və incəsənətin çiçəkləndiyi Orta Padşahlıq dövrünə aiddir.
Ra Allahının qızı və qorxunc gözü olan Sehmet ilahəsi qədim misirlilər tərəfindən məhsuldarlıq Allahı Ptaxın zövcəsi sayılır, Günəşin qüdrətini təmsil edirdi. Onu qadın bədəni və Günəş diski gəzdirən şir başı ilə təsvir edirdilər. Ra Allahının itaətsiz bəşəriyyəti cəzalandırdığı barədə çox-çox sonralar yaranmış əsatirdə Sehmet atasının amansız gözü kimi adamlara işgəncə verilməsindən həzz alır və yalnız allahların hazırladıqları içkini içməsi qırğını dayandırmasına kömək edirmiş. Bundan əlavə, Sehmetin adamları xəstəliklərə yoluxdurub, onları müalicə etmək qabiliyyəti də varmış. Güman olunur ki, III Amenhotep ağır xəstəlikdən yaxa qurtarmağa çalışdığı üçün” bu ilahənin şərəfinə yüzlərlə heykəl ucaltmağı əmr edibmiş.
Bölmənin digər xəbərləri
