Misli Premyer Liqası: “Sabah” və “Zirə” heç-heçə edib, “Turan Tovuz” qalib gəlib
Bakı, 20 oktyabr, AZƏRTAC
Futbol üzrə Misli Premyer Liqasında X tura yekun vurulub.
AZƏRTAC xəbər verir ki, günün ilk matçında “Sabah” “Zirə”nin qonağı olub. Zirə Olimpiya İdman Kompleksində baş tutan görüş 1:1 hesablı heç-heçə ilə bitib.
Bu nəticədən sonra aktivindəki xalları 16-ya çatdıran “Zirə” və “Sabah” komandaları turnir cədvəlində müvafiq olaraq dördüncü və beşinci pillədə qərarlaşıblar.
Turun bağlanış oyununda isə “Sumqayıt” doğma meydanda “Turan Tovuz”u qəbul edib. Mehdi Hüseynzadə adına Sumqayıt şəhər stadionunda baş tutan qarşılaşma qonaqların 4:2 hesablı üstünlüyü ilə başa çatıb.
Matçdan sonra xallarının sayını 21-ə çatdıran Tovuz təmsilçisi turnir cədvəlində 2-ci sıraya yüksəlib. “Kimyaçılar” isə 7 xalla 9-cu pillədə qalıb.
Qeyd edək ki, turun əvvəlki qarşılaşmalarında “Qarabağ” “Kəpəz”ə 5:0, “Araz-Naxçıvan” “Şamaxı”ya 1:0, “Neftçi” isə “Səbail”ə 3:1 hesabı ilə qalib gəlib.
Bölmənin digər xəbərləri
