Moskva-Bakı-Astana videokörpüsü keçiriləcəkdir
Bakı, 30 oktyabr (AZƏRTAC). Oktyabrın 31-də Moskva-Bakı- Astana videokörpüsü keçiriləcəkdir. Xəzərin ekoloji mühitinin qorunmasına həsr olunacaq videokörpü Rusiyanın Ria Novosti xəbər agentliyi tərəfindən təşkil olunacaqdır.
AZƏRTAC xəbər verir ki, müzakirələr “Xəzərin ekologiyası, problemlər və onların həlli yolları” mövzusunda aparılacaqdır.
Videokörpüdə Azərbaycanı Ekologiya və Təbii Sərvətlər Nazirliyinin təbiəti mühafizə siyasəti şöbəsinin müdiri Rasim Səttarzadə, Xəzər Kompleks Ekoloji Monitorinq İdarəsinin müdiri Mirsalam Qəmbərzadə və Milli Ekoloji Proqnozlaşdırma Mərkəzinin prezidenti Telman Zeynalov təmsil edəcəklər.
Bölmənin digər xəbərləri
