Moskva, 18 mart, AZƏRTAC

Moskvada M.İ.Rudomino adına Xarici Ədəbiyyat Kitabxanasında “Azərbaycan poeziyasının şedevrləri” məcmuəsinin təqdimatı keçirilib.

AZƏRTAC xəbər verir ki, nəşrdə XII-XXI əsr Azərbaycan poeziyasının nümunələri toplanıb. Tədbirdə professor Mehman Məmmədov “Azərbaycan poeziyasının xronologiyası: orta əsrlərdən indiki dövrədək” mövzusunda məruzə ilə çıxış edib.

Təqdimat mərasimində kitabxananın direktor müavini Vladimir Markov, Şərq Muzeyi direktorunun müavini İlya Zaytsev, Azərbaycanın Rusiyadakı səfirliyinin humanitar məsələlər üzrə müşaviri Zaur Paşayev və başqaları çıxış ediblər.

Poeziya gecəsi Moskva Dövlət Universiteti Asiya və Afrika Ölkələri İnstitutu tələbələrinin Azərbaycan şairlərinin şeirlərini rus və doğma dilimizdə səsləndirmələri ilə davam edib.

Fəridə Abdullayeva

AZƏRTAC-ın xüsusi müxbiri

Moskva