Moskvada Ulu Öndər Heydər Əliyevə həsr olunmuş kitab sərgisi açılacaq
Moskva, 11 may, AZƏRTAC
Moskvada Azərbaycan Mədəniyyət və Elm Günləri çərçivəsində “Rusiya Federasiyası və Azərbaycan Respublikası arasında mədəni və elmi əlaqələrin inkişafında teologiya və multikulturalizm praktikalarının rolu” mövzusunda dəyirmi masa keçiriləcək.
AZƏRTAC xəbər verir ki, dəyirmi masa zamanı Azərbaycan xalqının Ümummilli Lideri, görkəmli siyasət və dövlət xadimi Heydər Əliyevin anadan olmasının 100 illiyinə həsr olunmuş “Azərbaycan-doğma Vətənim” adlı kitab sərgisinin açılması da nəzərdə tutulur.
Dəyirmi masada pedaqoji və elmi ictimaiyyətin, ictimai təşkilatların milli və dini ənənələrə uyğun olaraq tərbiyə, maarif və təhsil ilə məşğul olan nümayəndələri, şərqşünaslar, ilahiyyatçılar, tarixçilər, filosoflar və din xadimləri iştirak edəcəklər.
Tədbirin təşkilatçıları qismində Rusiya Müsəlmanları Ruhani İdarəsi, Moskva İslam İnstitutu və Azərbaycan İlahiyyat İnstitutu çıxış edirlər.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
