Moskvanın Bədən Tərbiyəsi və İdman Departamentinin nümayəndə heyəti Bakıya gələcək
Bakı, 14 noyabr, AZƏRTAC
Gənclər və İdman Nazirliyinin dəstəyi ilə noyabrın 15-19-da Moskvanın Bədən Tərbiyəsi və İdman Departamentinin nümayəndə heyəti Bakıda səfərdə olacaq.
Bakı Şəhər Gənclər və İdman Baş İdarəsindən AZƏRTAC-a bildiriblər ki, bununla əlaqədar Baş İdarədə noyabrın 16-da görüş keçiriləcək.
Görüşdə idarənin rəisi Raqif Abbasov, Sidney Yay Olimpiya Oyunlarının sərbəst güləş üzrə çempionu Namiq Abdullayev, Pekin Yay Olimpiya Oyunlarının cüdo üzrə çempionu Elnur Məmmədli, Bədən Tərbiyəsi və İdman Departamentinin müavini, Rusiyanın sərbəst güləş üzrə Olimpiya çempionları David Musulbes, Vadim Bogiev və digərləri iştirak edəcəklər.
Bölmənin digər xəbərləri
