MSK-da İslam Əməkdaşlıq Təşkilatının nümayəndələri ilə görüş keçirilib
Bakı, 9 aprel, AZƏRTAC
Aprelin 9-da İslam Əməkdaşlıq Təşkilatının siyasi məsələlər departamentinin direktoru Askar Mussinovun rəhbərlik etdiyi nümayəndə heyəti Mərkəzi Seçki Komissiyasında (MSK) olub.
AZƏRTAC xəbər verir ki, 11 aprel prezident seçkilərini izləmək üçün ölkəmizə səfərə gəldiklərini qeyd edən Askar Mussinov müşahidə missiyasının tərkibi barədə məlumat verib. O, seçkilərin beynəlxalq standartlara uyğun keçirilməsinin tərəfdarı olduqlarını bildirərək müşahidə missiyasının nəticələrə dair obyektiv rəy bildirəcəyini diqqətə çatdırıb.
Məzahir Pənahov Mərkəzi Seçki Komissiyasının beynəlxalq təşkilatlarla əməkdaşlığa xüsusi önəm verdiyini qeyd edib. MSK sədri prezident seçkilərinin demokratik, azad və şəffaf keçirilməsi ilə bağlı görülən işlər barədə məlumat verib, qonaqların suallarını cavablandırıb.
Bölmənin digər xəbərləri
