“MÜDRİK ATATÜRK” KİTABI NƏŞR EDİLMİŞDİR
AZƏRTAC xəbər verir ki, Azərbaycanda Atatürk Mərkəzi Türkiyə Respublikasının banisi Mustafa Kamal Atatürkün anadan olmasının 125 illiyi ilə əlaqədar bu dahi insanın həyatına, şəxsiyyətinə, mübarizəsinə, siyasi və dövlətçilik fəaliyyətinə həsr olunmuş kitablar nəşr etdirir. Mərkəzin növbəti nəşri Azərbaycan Milli Elmlər Akademiyasının müxbir üzvü, professor Nizami Cəfərovun tövsiyəsi ilə Səfalı Nəzərlinin “Nurlan” nəşriyyatında işıq üzü görən “Müdrik Atatürk” kitabıdır.
Kitabda böyük öndərin mübarizə və zəfərlərlə dolu mürəkkəb, şərəfli ömür yolundakı gerçək və ibrətamiz əhvalatlar, hadisələr və s. bədii hekayələr şəklində qələmə alınmışdır.
Kitab geniş oxucu auditoriyası üçün nəzərdə tutulmuşdur.
Bölmənin digər xəbərləri
