Murmansk vilayət qəzetində milli diasporlar haqqında məqalə dərc olunmuşdur
Bakı, 31 may (AZƏRTAC). Murmansk vilayətində çıxan “Murmanskiy vestnik” qəzetində “Hər bir xalq mahnı qoruyur” sərlövhəli məqalə dərc olunmuşdur.
Məqalə müəllifi qeyd edir ki, Murmansk şəhərinin bütün milli diasporlarının nümayəndələri bu yaxınlarda vilayətin Dostluq evinə toplaşmışlar.
Bu barədə AZƏRTAC-a Ümumrusiya Azərbaycanlılar Konqresinin (ÜAK) Murmansk bölməsinin mətbuat katibi və Rusiyanın Azərbaycanlı Gənclər Birliyinin (RAGB) yerli nümayəndəliyinin mətbuat katibi Əlihüseyn Şükürov məlumat vermişdir.
Milli birliklər payızda yenidən görüşüb çoxdan arzusunda olduqları Dostluq evinin rəsmi açılışını qeyd edəcəklər. Dostluq evi Murmanskdakı “Mejsoyuznı” mədəniyyət evində yerləşəcəkdir. Burada sərgilər təşkil etmək, xalq ansambllarının məşq keçməsi üçün hər cür şərait vardır.
Qeyd edək ki, məqalə fotoşəkillərlə illüstrasiya olunmuşdur. Fotoşəkillərdə Azərbaycan xalqının ümummilli lideri Heydər Əliyev, Prezident İlham Əliyev, ÜAK-ın stendi, həmvətənlərimiz, o cümlədən Murmansk vilayəti İctimai Palatasının üzvü, ÜAK-ın Murmansk bölməsinin sədri Afil Hüseynov və başqaları təsvir olunmuşdur.
Bölmənin digər xəbərləri
