CƏMİYYƏT
“Müstəqil Azərbaycan vəkilliyinin banisi Heydər Əliyev” mövzusunda elmi-praktik konfrans keçirilib
![](/files/galleryphoto/2023/1/1200x630/16786963194174748272_1200x630.jpg)
![](/files/galleryphoto/2023/1/1200x630/1678696319515333736_1200x630.jpg)
![](/files/galleryphoto/2023/1/1200x630/16786963193564131525_1200x630.jpg)
![](/files/galleryphoto/2023/1/1200x630/16786963195547124390_1200x630.jpg)
Bakı, 13 mart, AZƏRTAC
Naxçıvan Muxtar Respublikasında “Müstəqil Azərbaycan vəkilliyinin banisi Heydər Əliyev” mövzusunda elmi-praktik konfrans keçirilib.
Baş Prokurorluğun mətbuat xidmətindən AZƏRTAC-a bildirilib ki, konfransda Naxçıvan Muxtar Respublikası prokurorunun müavini Sənan Paşayev və prokurorluğun əməkdaşları da iştirak edib.
Konfransda çıxışı zamanı Sənan Paşayev Naxçıvan MR Prokurorluğu ilə muxtar respublikada fəaliyyət göstərən vəkil qurumları arasında səmərəli və işgüzar münasibətlərin qurulmasının vacibliyini vurğulayıb, ibtidai araşdırma zamanı şəxslərə vaxtında və keyfiyyətli hüquqi yardımın göstərilməsi məqsədilə muxtar respublikada fəaliyyət göstərən vəkillərin sayının artırılması, bir sıra rayon mərkəzlərində vəkil bürolarının təsis edilməsi ilə bağlı təkliflər irəli sürüb.