MUZEY EKSPONATLARI BƏRPA EDİLİR

24.05.2006 [11:39]
Çap et
A⁺ A^-

AZƏRTAC xəbər verir ki, bərpa mərkəzinin əməkdaşları Leopold və Mstislav Rostropoviçlərin ev-muzeyində bərpa işlərinə başlamışlar. Violonçel üçün XX əsrin əvvəllərində çap edilmiş notlar, bu ailəyə məxsus əşyalar bərpa edilir.

Mərkəzdən bildirmişlər ki, bərpaçılar Dövlət Musiqi Mədəniyyəti muzeyində XIX əsrin sonlarında - XX əsrin əvvəllərində nəşr edilmiş 10 ədəd not və proqram, Əzim Əzimzadənin qrafik əsərləri üzərində də bərpa işini başa çatdırmaq üzrədirlər.

Üzeyir Hacıbəyovun Şuşadakı ev-muzeyindən götürülmüş müxtəlif əşyalar bu yaxınlarda bərpa edilib, muzeyə qaytarılmışdır.

Hazırda, bərpaçılar Nizami Gəncəvi adına ədəbiyyat muzeyinin boyakarlıq əsərləri üzərində bərpa işlərini davam etdirirlər.