NAXÇIVAN MUXTAR RESPUBLİKASI ALİ MƏCLİSİNİN SƏDRİ QIZIL MEDAL SAHİBLƏRİ İLƏ GÖRÜŞMÜŞDÜR

14.05.2006 [03:58]
Çap et
A⁺ A^-

AZƏRTAC-ın müxbiri xəbər verir ki, Naxçıvan Muxtar Respublikası Ali Məclisinin sədri Vasif Talıbov Bosniya və Hersaqovina respublikasında keçirilən “Beynəlxalq Fizika Layihə Olimpiadası”ndan qızıl medallarla qayıtmış Naxçıvan türk liseylərinin şagird və müəllimləri ilə görüşmüşdür.

Olimpiada qalibləri qazandıqları qələbəni ümummilli liderimiz Heydər Əliyevin doğum gününə hədiyyə etdiklərini bildirmişlər.

Naxçıvan türk liseylərinin baş direktoru, Naxçıvan Muxtar Respublikasının Əməkdar müəllimi Muammer Türk Mustafa, “Zaman” qəzetinin Naxçıvan təmsilçisi Süleyman Okumuş bilik sahəsindəki uğurlarına görə şagirdlərə təşəkkür etmişlər.

Ali Məclisin sədri qızıl medal sahibləri və onların müəllimləri ilə xatirə şəkli çəkdirmişdir.