NAXÇIVAN ŞƏHƏR TƏHSİL İŞÇİLƏRİNİN AVQUST KONFRANSI KEÇİRİLMİŞDİR

25.08.2004 [22:00]
Çap et
A⁺ A^-

Naxçıvan şəhərinin 14 ümumtəhsil məktəbində 12 min 324 şagird təhsil alır və onların təlim-tərbiyəsi ilə 1803 müəllim məşğul olur. Bu il məktəbi bitirmiş 942 məzundan 788-i sənədlərini qəbul komissiyalarına təqdim etmiş, onlardan 300 nəfəri respublikamızın, eləcə də, bir sıra xarici ölkələrin ali məktəblərinə qəbul olunmuşdur. 18 nəfər 500-dən çox bal toplamışdır.

Ulu öndərimiz Heydər Əliyevin adını daşıyan 1206 yerlik məktəb yeni tədris ilində ilk dəfə olaraq qapılarını şagirdlərin üzünə açacaqdır.

“Azərbaycan Respublikasında “Bilik günü”nün təsis edilməsi və təhsil müəssisələrində iş rejiminin tənzimlənməsi haqqında” Azərbaycan Respublikası Prezidenti İlham Əliyevin 21 avqust 2004-cü il tarixli Fərmanı Naxçıvan şəhərinin təhsil işçilərinin, pedaqoji kollektivlərinin böyük ruh yüksəkliyinə səbəb olmuşdur.

AZƏRTAC-ın müxbiri xəbər verir ki, bütün bunlar barədə Naxçıvan şəhər təhsil işçilərinin avqust konfransında ətraflı danışılmışdır.

Məruzə ilə şəhər təhsil şöbəsinin müdiri Rüfət Quliyev çıxış etmişdir.

Naxçıvan MR təhsil naziri Həmzə Cəfərov, şəhər icra hakimiyyətinin başçısı Vüqar Səfərov və digər natiqlər təhsil işçilərini yeni dərs ili ilə əlaqədar təbrik etmiş, onlara gənc nəslin təlim-tərbiyəsi sahəsində fəaliyyətdə uğurlar arzulamışlar.

NAXÇIVAN ŞƏHƏR TƏHSİL İŞÇİLƏRİNİN AVQUST KONFRANSI KEÇİRİLMİŞDİR

MÜƏLLİFLƏ ƏLAQƏ

Bölmənin digər xəbərləri