Naxçıvanda bu ilin 6 ayı ərzində polisə təhvil verilmiş silahların sayı açıqlanıb
Naxçıvan, 10 iyul, AZƏRTAC
Naxçıvan Muxtar Respublikası Daxili İşlər Nazirliyinin əməkdaşları tərəfindən aparılan əməliyyat tədbirləri nəticəsində bu ilin 6 ayı ərzində vətəndaşlar tərəfindən 70 odlu silah, 9 patron darağı, 1243 ədəd müxtəlif çaplı patron, 18 qumbara və 3 süngü-bıçaq vətəndaşlar tərəfindən könüllü olaraq polisə təhvil verilib.
Nazirliyin mətbuat xidmətindən AZƏRTAC-ın Naxçıvan bürosuna bildirilib ki, təhvil verilən odlu silahların 4-ü avtomat, 11-i tapança, 55-i isə müxtəlif markalı tüfəng olub. Qanunsuz saxlanılan odlu silah-sursatın aşkar olunaraq götürülməsi istiqamətində keçirilən tədbirlər nəticəsində isə 10 odlu silah, 5 patron darağı, 255 mərmi, 2 süngü-bıçaq və 2 top mərmisi aşkar olunaraq götürülüb. Odlu silahlardan 1-i avtomat silahı, 9-u müxtəlif markalı tüfəng olub.
Bu istiqamətdə tədbirlər davam etdirilir.
Bölmənin digər xəbərləri
