NAZİRLƏR KABİNETİNDƏ GÖRÜŞ
Baş nazir inkişaf etməkdə olan Azərbaycan-Rumıniya əlaqələrinin səviyyəsindən razılığını bildirməklə yanaşı, demişdir ki, iqtisadi əməkdaşlıq sahəsindəki böyük potensialdan tamamilə istifadə olunmur. Yaxın vaxtlarda Azərbaycan-Rumıniya hökumətlərarası iqtisadi komissiyasının ikinci iclası keçiriləcəkdir. Artur Rasizadə hərbi-texniki əməkdaşlığı inkişaf etdirməyin zəruriliyini də vurğulamışdır. O bildirmişdir ki, Avropa qurumlarına, NATO-ya inteqrasiyası sahəsində Rumıniyanın təcrübəsi Azərbaycan üçün faydalı olardı.
Baş nazir qonaqlara ölkəmizin başlıca problemi olan Ermənistan-Azərbaycan, Dağlıq Qarabağ münaqişəsi barədə də məlumat vermişdir.
Rumıniya naziri Azərbaycanda apardığı danışıqlardan, imzalanmış ikitərəfli sənədlərdən bəhs edərək demişdir ki, bu, ölkələrimizin hərbi sahədə əməkdaşlığının genişlənməsi üçün stimul olacaqdır.
