NBA: “Oklahoma-Siti Tander” yarımfinalda növbəti qələbəsini qazanıb
Bakı, 23 may, AZƏRTAC
Milli Basketbol Assosiasiyasında (NBA) yarımfinal mərhələsinin növbəti oyunu keçirilib.
AZƏRTAC xəbər verir ki, günün yeganə qarşılaşmasında “Oklahoma-Siti Tander” evdə “Minnesota”nı qəbul edib.
Görüş meydan sahiblərinin 118:103 hesablı qələbəsi ilə yekunlaşıb.
Qalib komandanın bombardiri 38 xalla kanadalı müdafiəçi Şay Gilqeus-Aleksandr olub. Çet Holmqren 22, Caylen Uilliams 26 xal və 10 ribaundla yadda qalıb. Qonaqların ən məhsuldar oyunçusu isə 32 xal toplayan Entoni Edvard olub.
Xatırladaq ki, “Oklahoma-Siti Tander” seriyaya 2:0 hesabı ilə başçılıq edir. Komandalar arasında üçüncü oyun mayın 25-də “Minnesota”nın arenasında baş tutacaq.
Bölmənin digər xəbərləri
