Neftçalada əsas kapitala yönəldilən vəsait 3,5 dəfə artıb
Neftçala, 16 may, Aydın Yavərzadə, AZƏRTAC
Bu ilin yanvar-mart aylarında Neftçalada iqtisadi və sosial sahələrin inkişafı üçün bütün maliyyə mənbələrindən əsas kapitala 9 milyon 573,5 min manat vəsait sərf olunub. Onun 9 milyon 280,5 min manatı və ya 96,9 faizi dövlət sektoruna, 293,0 min manatı və ya 3,1 faizi isə qeyri-dövlət sektoruna yönəldilib. 2022-ci ilin müvafiq dövrü ilə müqayisədə rayonda əsas kapitala investisiya qoyuluşu 3,5 dəfə artıb.
Rayon Statistika İdarəsindən AZƏRTAC-ın bölgə müxbirinə verilən məlumata görə, əsas kapitala yönəldilmiş vəsaitlərin 9 milyon 439 min manatı və ya 98,6 faizi tikinti-quraşdırma işlərinə sərf edilib. Tikinti quraşdırma işləri 2022-ci ilin müvafiq dövrü ilə müqayisədə 5,0 dəfə artıb.
Yanvar-mart aylarında tikinti müəssisələri tərəfindən yerinə yetirilmiş inşaat işlərinin dəyəri 2 milyon 263,9 min manat təşkil edib. 2022-ci ilin müvafiq dövrü ilə müqayisədə 202,8 min manat və ya 9,8 faiz artıb. Cari ilin yanvar-mart ayları ərzində tikinti müəssisələri tərəfindən yerinə yetirilmiş inşaat işlərinin 190 min manatını yəni 8,5 faizini cari təmir işləri təşkil edib.
Bölmənin digər xəbərləri
