“Neftçi” – “Sabah” oyununun yeri yenidən dəyişdirilib
Bakı, 17 avqust, AZƏRTAC
Azərbaycan Premyer Liqasının III turunda “Neftçi” və “Sabah” komandaları arasında keçiriləcək görüşün yeri yenidən dəyişdirilib.
AZƏRTAC Peşəkar Futbol Liqasının (PFL) rəsmi saytına istinadən xəbər verir ki, “Zirə” “Liv Bona Dea Arena”nın ot örtüyünün UEFA Konfrans Liqasının oyunu üçün qorunması məqsədilə “Neftçi”yə müraciət edib.
“Sabah”ın məlumatlandırılması və PFL-in yekun qərarı ilə matç əvvəlcədən elan olduğu kimi “Liv Bona Dea Arena”da deyil, Zirə İdman Kompleksinin stadionunda baş tutacaq.
Qeyd edək ki, qarşılaşma avqustun 18-də saat 20:30-da start götürəcək.
Bölmənin digər xəbərləri
