Neymar “Real Madrid”lə matçda oynaya bilər
Bakı, 27 fevral, AZƏRTAC
PSJ-nin futbolçusu Neymar tibbi müayinədən keçib.
AZƏRTAC klubun saytına istinadən xəbər verir ki, onun sağ topuğunda dartılma və ayaq sümüyündə çat aşkarlanıb. Onun bərpa müddəti barədə məlumat verilməyib.
“Marsel” ilə qarşılaşmanın 79-cu dəqiqəsində PSJ-nin lideri Neymar sıradan çıxıb. Braziliyalı futbolçu oyunun sonlarında ayağını düzgün atmayaraq zədələnib. Həmin vaxt PSJ-nin bütün əvəzetmələri gerçəkləşdirdiyi üçün komanda oyunu 10 futbolçu ilə bitirməli olub. Göz yaşlarını saxlaya bilməyən Neymarı meydandan xərəkdə çıxarıblar.
PSJ-nin baş məşqçisi Unay Emeri futbolçunun “Real”la oyuna qədər sağalacağına inandığını bildirib.
Qeyd edək ki, Neymarın Çempionlar Liqasının 1/8 finalında “Real”la cavab görüşündə oynayacağı iddia olunur.
Bölmənin digər xəbərləri
