Niderlandlı fermerlər etiraz aksiyalarına başlayıb
Bakı, 6 fevral, AZƏRTAC
Fevralın 5-də gecə saatlarında Niderlandın müxtəlif rayonlarında fermerlərin etiraz aksiyaları keçirilib.
AZƏRTAC NOS telekanalına istinadla xəbər verir ki, etirazçılar traktorlarla magistral yollara çıxıb, tonqallar yandırıb və pirotexnik vasitələr atıblar. Polisin məlumatına görə, yolların təmizlənməsi üçün əraziyə əlavə qüvvələr cəlb olunub.
Qeyd edək ki, bəzi Avropa ölkələrinin ardından Niderlandda da fermerlərin etiraz aksiyaları başlayıb. Aksiya iştirakçıları istehsal qiymətlərinin artmasına, Avropa İttifaqında alış qiymətlərinin dəyişməməsinə, həmçinin Ukraynadan və digər ölkələrdən ucuz ərzaq idxalına etiraz edirlər. Bundan başqa, fermerlər Brüsselin kənd təsərrüfatı siyasətindən də narazıdırlar.
Bölmənin digər xəbərləri
