“NORTHERN POWER” BTC ŞİRKƏTİ İLƏ 1,8 MİLYON DOLLARLIQ ƏLAVƏ MÜQAVİLƏ İMZALAMIŞDIR
bu elektrik firması BTC şirkəti ilə Bakı-Tbilisi-Ceyhan əsas ixrac boru kəmərinin Gürcüstanın Kodiana ərazisindəki hissəsində drenaj avadanlığı üçün müstəqil elektrik stansiyasının quraşdırılmasına dair 1,8 milyon dollarlıq sayca üçüncü əlavə müqavilə imzalamışdır.
Kodiana vadisində yerləşən bu drenaj avadanlığı boru kəmərində qəza baş verərsə axan xam nefti nasoslar vasitəsilə yerin altında yerləşdirilmiş xüsusi çənə, təmirdən sonra isə bu çənə yığılmış neftin yenidən boru kəmərinə vurulmasını təmin edəcəkdir.
Şirkətin vitse-prezidenti Maykl Brenanın sözlərinə görə, bu sistem Gürcüstan hökumətinin ətraf mühitin qorunması məqsədi ilə hazırladığı proqrama uyğun tətbiq olunmuşdur. Vadidə 2 ədəd “Kohler” generatoru və 4 min qallon tutumu olan çən quraşdırılacaqdır.
“Northern Power” son 4 ildə BTC kəmərinin Bakıdan Gürcüstana qədər olan 690 kilometrlik hissəsində 38 belə sistem quraşdırmışdır.
Bölmənin digər xəbərləri
