ÖLKƏNİN BÜDCƏ VƏSAİTİ HESABINA BƏRPA İŞLƏRİ APARILIR
Azərbaycan Respublikası Ərazilərinin Bərpası və Yenidən Qurulması Agentliyindən AZƏRTAC-ın müxbirinə verilən məlumata görə, keçən il respublika büdcəsindən ayrılmış 500 milyon manat vəsait hesabına 62 nömrəli “Təmir-Tikinti” MMC-nin inşaatçıları Gədəbəy rayonunda 17 evi bərpa etmişlər.
Zərər çəkmiş obyektlərin Azərbaycan Respublikası Fövqəladə Hallar Komissiyanın vəsaiti hesabına bərpası üçün 2004-cü il avqustun 12-də müsabiqə keçirilmişdir. Nəticədə Xırdalan qəsəbəsindəki beşmərtəbəli yataqxananın yenidən qurulması üzrə “Azərkəndtikinti” Səhmdar Cəmiyyəti, Lerik rayonunun Qosmalyan, Astara rayonunun Miki kənd məktəblərinin əsaslı təmiri üzrə “Azərsənayetikinti” Səhmdar Cəmiyyəti, Quba rayonunun Xaruşa, Ağsu rayonunun Qaraqoyunlu kənd məktəblərinin yenidən qurulması üzrə isə “Azəraqrartikinti” Səhmdar Cəmiyyəti müsabiqədə qalib gəlmişlər. Bu təşkilatlarla müqavilələr bağlanmış və yaxın vaxtlarda obyektlərdə yenidənqurma işlərinə başlanacaqdır.
Bölmənin digər xəbərləri
