ÖLKƏNİN BÜTÜN TƏHSİL MÜƏSSİSƏLƏRİNDƏ 20 YANVAR ŞƏHİDLƏRİNİN XATİRƏSİ ANILACAQDIR
Bakı, 15 yanvar (AZƏRTAC). Ölkəmizin bütün təhsil müəssisələrində 20 Yanvar faciəsinin ildönümü ilə bağlı tədbirlər keçirilir.
Təhsil Nazirliyindən bildirmişlər ki, məktəblərdə 20 Yanvar qırğınını əks etdirən foto və rəsm sərgiləri açılır, faciəyə həsr olunmuş mərasimlər təşkil edilir, respublikamızın suverenliyi uğrunda canlarından keçmiş Vətən övladlarının xatirəsi anılır.
Eyni zamanda, ali təhsil müəssisələrinin internet saytlarında Qara Yanvar barədə məlumatların yerləşdirilməsi nəzərdə tutulmuşdur.
Yanvarın 19-da təhsil ocaqlarında qanlı qırğına həsr edilmiş dərslər keçiriləcəkdir.
Bölmənin digər xəbərləri
