OLMERT VƏ BUŞ HƏMAS-LA BAĞLI MÖVQELƏRİNİ MÜZAKİRƏ EDƏCƏKLƏR
İsrail və ABŞ Fələstinin HƏMAS qruplaşmasının üzvlərindən formalaşmış yeni hökumətinə qarşı fəaliyyət strategiyası hazırlamağa çalışırlar. ABŞ və İsrailin fikrincə, HƏMAS hökuməti ilə danışıqlar indiki səviyyədə mümkün deyildir. ABŞ yaranmış vəziyyətdən çıxış yolunu mötədil baxışları ilə seçilən Fələstin Muxtariyyətinin başçısı Mahmud Abbasla danışıqlarda görür. Bununla belə, Ehud Olmert bu cür yanaşmanın məqsədəuyğunluğuna şübhə ilə baxaraq bildirmişdir ki, Abbas öz hökumətinə nəzarət etmir.
E.Olmert İordan çayının Qərb sahilindən bəzi yaşayış məntəqələrinin köçürülməsi planını da təqdim etməlidir. Ağ evin yüksək vəzifəli məmurlarının fikrincə, ABŞ fələstinlilərlə danışıqları nəzərdə tutmayan heç bir planı bəyənməyəcəkdir. İki ölkənin liderləri danışıqlar çərçivəsində Qəzzə bölməsində vəziyyətin gərginləşməsi və İranın nüvə proqramı məsələlərini də müzakirə edəcəklər.
Bölmənin digər xəbərləri
