OMBUDSMAN APARATININ ƏMƏKDAŞI BEYNƏLXALQ KONFRANSDA İŞTİRAK ETMİŞDIR

15.09.2006 [13:10]
Çap et
A⁺ A^-

Azərbaycan Respublikasının İnsan Hüquqları üzrə Müvəkkili (Ombudsman) Aparatının əməkdaşı Zaur Əliyev Rusiya Federasiyasının (RF) Nijni Novqorod şəhərində Avropa Şurasının (AŞ), Rusiya Regional İnkişaf Nazirliyinin, bu ölkənin Avropa Şurası yanında daimi nümayəndəliyinin və Rusiya Dinlərarası Şurasının birgə təşkil etdiyi “Mədəniyyətlərarası dialoq və dinlərarası əməkdaşlıq” mövzusunda beynəlxalq konfransda iştirak etmişdir.

Ombudsman Aparatından AZƏRTAC-a bildirmişlər ki, müxtəlif ölkələrin nümayəndələrinin qatıldığı konfransa Rusiyanın regional inkişaf naziri V.Yakovlev və AŞ insan hüquqları üzrə komissarı Tomas Hammerberq sədrlik etmişlər.

Tədbirdə Ombudsman Aparatının əməkdaşı Z.Əliyev “İnsan hüquqları mədəniyyətlərarası dialoq və dinlərarası əməkdaşlıq kontekstində” mövzusunda məruzə etmiş, din azadlığının təmin edilməsi sahəsində ölkəmizdə görülən işlərdən danışmışdır.

Z.Əliyev, həmçinin Ermənistanın Azərbaycan ərazilərinə silahlı təcavüzünün nəticələri barədə məlumat vermiş və bu ölkənin işğalçı dövlət olmasını beynəlxalq hüquq baxımından əsaslandırmışdır.

Çıxış konfrans iştirakçıları tərəfindən maraqla qarşılanmışdır.