Ötən il 60 obyekt üzrə geoloji-kəşfiyyat işləri yerinə yetirilib
Bakı, 18 fevral, AZƏRTAC
Ötən il ərzində Ekologiya və Təbii Sərvətlər Nazirliyinin (ETSN) nəzdində fəaliyyət göstərən Milli Geoloji Kəşfiyyat Xidməti (MGKX) tərəfindən dövlət sifarişi əsasında hazırlanmış “Obyektlər Planı”na əsasən 60 obyekt üzrə geoloji-kəşfiyyat işləri yerinə yetirilib ki, bunlardan 38 obyekt əvvəlki illərdən 2016-cı ilə keçid alıb.
Nazirlikdən AZƏRTAC-a verilən məlumata görə, ötən il 22 obyekt üzrə geoloji tapşırıqlar hazırlanıb, layihə-smeta sənədləri ETSN-in Layihələndirmə Mərkəzində icra olunub. İl ərzində MGKX-nın Geoloji İstehsalat Şöbəsi tərəfindən geoloji-kəşfiyyat işləri başa çatdırılıb, 35 obyekt üzrə geoloji hesabatlara baxılıb və nazirliyin Elmi-Texniki Şurasının geologiya bölməsinin iclaslarında müzakirəyə çıxarılıb.
Bölmənin digər xəbərləri
